Category Archives: දේශපාලනික

#NewConstLK #lka නව ව්‍යවස්ථාව ගැන ඔබ කථා කළයුතුමය

පසුගිය මතිවරණ දෙකේදී ඉතා ගැඹුරු සාකච්ඡාවන් ඇතිවූ නිසාත්, වෙනසක් ඇතිකිරීමට ජන්දය පාවිච්චිකල අයද තරමක් පසුතැවිල්ලෙන් ඇති නිසාත්, මේ අවස්ථාවේ නව ව්‍යවස්ථාවගැන ඔබ කථා කළයුතුමය. 2015 මැතිවරණ දෙකේදීම ජන්දය භාවිතාකර ඔබ බලාපොරොත්තුවූ වෙනස ඇතිකළ හැක්කේ නව ව්‍යවස්ථාව තුළිනි. මෙම කථිකාවේදී සියල්ලටම අප එකඟවිය යුතුනැත. නමුත් රටේ සහ ජනතාවගේ අභිවෘද්ධිය තකා පෞද්ගලිකව නොගෙන එම කතිකාවතට කාලය පැමිණ ඇත. ශ්‍රීලාංකික අනන්‍යතාවයේ සිට මන්ත්‍රි, ඇමති, අධ්‍යාපන සුදුසුකම් දක්වා මෙම කතිකාවත විහිදිය යුතුය.

එසේ නොවුණහොත් ලංකාවේ සාමාන්‍යයෙන් වෙන පරිදි ප්‍රාඥයන්යැයි තමන්විසින්ම කියාගන්නා පිරිසක් ඔවුනට ඕනෑදේ එහි ඇතුළත්කර අනාගතයේදි තවත් පරම්පරාවකට නැවතත් මෙම දුක විඳීමට සැලසීමට ඉඩ ඇත. ප්‍රථමයෙන් කළයුත්තේ විවාදාත්මක හෝ විවාදාත්මක නොවන සියලුම අදහස් එළිපිට සාකච්ඡා කිරීමයි.

ව්‍යවස්ථාව පිළිඹඳ ඔබගේ අදහස් මෙතැන ක්ලික්කර ඉදිපත්කිරීමටද හැකිය

Advertisements

ප්‍රතිචාරයක් ලබාදෙන්න

Filed under දේශපාලනික, ව්‍යවස්ථාව, ශ්‍රි ලංකා රාජ්‍ය සේවය, ශ්‍රී ලංකාව, සමාජීය, සිංහල

මාධ්‍ය වන්දිභට්ටකරනයවීම, නිදහස සහ මහින්ද

හිටපු ජනාධිපති මහින්ද රාජපක්ෂ මහතා තම හිතවතුන්ට සිදුවන අසාධාරණකම් පිළිබඳව ජනමාධ්‍ය කිසිවක් නොකීමගැන පසුගියදාක බීබීසීවෙත පවසා තිබිණි. මෙය කොතරම් උත්ප්‍රාසය දනවන සිදූවීමක්දැයි මට සිතිණි. කොයි ආංඩුවක් පත්වී තිබුණද පළිගැනීම් සිදුවේනම් එය අනුමතකළ නොහැක. විශේෂයෙන් යහපාලනය සඳහා පත්කරනලද මෛත්‍රී පාලනයකදී එවැන්නක්වේ නම් එය කිසිසේත්ම අනුමත කළනොහැක. කෙසේවෙතත් මහින්ද මහතා මේ පිළිබඳව දීර්ඝ ප්‍රකාශයක්කිරීම ප්‍රතික්ෂේප කර ඇත. ඔවුහු එම සිදුවීම්ගැන කිසිම පැමිණිල්ලක් කර ඇතැයිද නොදනිමි.

ඒත් සමගම මගේ සිතට නැගුණු සිතිවිල්ල වූයේ තමා වැපිරුදේ ඔහු දැන් නෙලාගන්නවා නොවේද යන්නයි. ඔහුගේ පාලන වසර 10තුළ මාධ්‍ය පාලනය විවිධාකාර ලෙස සිදුවිය. ලසන්ත වික්‍රමතුංග වැන්නවුන් ඝාතනය විය, එක්නැලිගොඩලා අතුරුදහන්විය, සමහරුන් ගුටිකෑමට ලක්විය, සමහරුන් රට හැරගියහ, සමහරුන් නඩුහබවල පැටලිණි, සමහර මාධ්‍ය ආයතන ගිනිබත්විය, සමහර ආයතනවලට රහස් පොලීසිය කඩා වැදිණි, සමහර ආයතනවලට මැරපහරදීම් සිදුවිය, සමහර පත්තර තම හිතවතුන් විසින් මිලදීගන්නා ලදි, රජයේ මාධ්‍ය තනිකරම වන්දිභට්ට සේවකයින්ගෙන් පුරවා ඒවායේ ගුණාත්මකභාවය බිංදුවට වැටිණි.

ලසන්ත වික්‍රමතුංග මහතාගේ මාධ්‍ය ක්‍රියාවන්ට 100%ක්ම මාගේ එකඟතාවයක් නැත. එනමුත් ඔහු කෲර ලෙස ඝාතනයවියයුතු නොවීය. එලෙසම එම ඝාතනය සඳහා අද මේ වෙනතුරු කිසිම පරීක්ෂණයක් අවසන්වී වරදකරුවන් සොයාගෙන නැත. මෙය රටේ ජීවත්වන සාමාන්‍ය ජනතාවට රටේ නීතියගැන ඇති විශ්වාසය පලුදුවන්නකි. එයට අමතරව හිටපු ආරක්ෂක ලේකම් ගෝඨාභය රාජපක්ෂ මැතිතුමා බීබීසීයට ප්‍රකාශකළේකවුද ලසන්ත කියන්නේ“, “ඇයි ඔබ ඒයාගැන අහන්නේයනුවෙනි (මෙම වීඩියෝව මෙතැනින් බැලිය හැක). තම ප්‍රතිවාදීන්ගැන එවැනි පිළිවෙතක් අනුගමනයකළ සහ වසර 10ක් තිස්සේ එවැනි පිළිවෙතක් අනුගමනය කිරීමට මාධ්‍ය පුරුදුකළ ජනනායකයෙකු ඊට වඩා දෙයක් බලාපොරොත්තුවීම තරමක් හාස්‍ය දනවනදෙයකි.

අළුත් ජනාධිපතිවරයාට යහපාලනය ගෙන ඒමට මහඟු හැකියාවක් ඇත. ඔහුට ඡන්දය ලැබී ඇත්තේ පක්ෂ, පාට, ජාති, ආගම්භේදයකින් තොරවය. මේ සමගම පරණ වරදකරුවන් එතුමා සමග හේත්තුවිම් සිදුවෙමින් පවති. එබැවින්දෝ සමහර වරදකරුවන් සෙවීමට හදිස්සියක් පවතින බවක් පෙනේ. මේ සියල්ල අතරතුර මාධ්‍ය පැරණි වන්දිභට්ට මානසිකත්වයෙන් මිදීමට නොහැකිව සිටින බවක්ද පෙනේ. තණකොළ පොල්කට්ටකින් වසාතැබූකළ කහපාටට හැරේ. නමුත් පොල්ක‍ටුව ඉවත්කළ පසු නැවත කොළපාටට හැරීමට ටිකකලක් ගතවේ. එය තේරුම්ගෙන දේශපාලකයින්, පොලිසිය, සහ මාධ්‍ය හොඳ සුසුමක් ගෙන තම පරික්ෂණය මනාව පවත්වා සාක්ෂි සහිතව වරදකරුවන් ඉදිපත්කිරීම යහපාලනයේ දිගුපැවත්මට හේතුදායකවෙනවා නොඅනුමානය

එක් ප්‍රතිචාරයක්

Filed under දේශපාලනික, මහින්ද රාජපක්ශ, මාධ්‍ය, සමාජීය, සිංහල

#PresPollSL හම්බන්තොටින් මහින්ද ජනාධිපතිතුමාට විශිෂ්ඨ ජයක් ලැබුණාද?

ජනාධිපති මහින්ද රාජපක්ෂ මහතා පරාජයෙන් පසුව ඔහු බැලීමට පැමිණ හඬා වැලපෙමින් සිටි ජනතාවට කියා සිටියේ ඔහුට හම්බන්තොට විශිෂ්ඨ ජයක් හිමිවී ඇතිබවයි. එයට අමතරව උතුරු නැගෙනහිර වෙනම කොටස් ඉල්ලන සුළු ජාතික ජන කොටස් මෛත්‍රී ජනාධිපතිතුමා පත්කර ගත් බවට ජාතිවාදී නැඹුරුවකින් යුතුව කෙරෙන ප්‍රකාශවලට ඉලක්ම් සම්බන්ධකර ගන්නා බැවින් මම ඒ ගැන සොයා බැලීමට ගත් උත්සාහයකි මෙය.

2012 ජන හා සංඛ්‍යාලේඛන දත්ත අනුව හම්බන්තොට දිස්ත්‍රික්කයේ ජනගහනය 596,617කි. ඉන් 97.07%ක්ම සිංහලය. ආගම වශයෙන් ගත්කල ඉන් 96.74%ක්ම බුද්ධාගමේය. මෙම ජන අනුපාතය ඡන්ද දායකයන් තුල පැවතුනායැයි උපකල්පනය කිරීමේ වරදක් නොමැත.

පහත වගුවේ ඇති මැතිවරණ දෙපාර්තමේන්තුවේ දත්තවලට අනුව මහින්ද මහතා මෙවර වැඩි චන්ද 104,587 ලභා ඇත. එය 2010 ට සාපේක්ෂව 16,964ක අඩුවීමකි. 2010ට වඩා වැඩි පිරිසක් (49,645ක් – 14.6%ක්) මෙවර හම්බන්තොටින් චන්දය ප්‍රකාශකර ඇත. ඉන් 67.2%ක්ම වැටී ඇත්තේ මෛත්‍රීපාල මහතාටය. එනම් 2015දී වැඩිවූ හැම චන්ද 3කින් දෙකක්ම වැටි ඇත්තේ මෛත්‍රීපාල මහතාටය. මුල්කිරිගලදී විපක්ශයට 56.8ක්ද, මහින්ද මහතාට 45%ක්ද, බෙලිඅත්තේදී විපක්ශයට 72.4%ක්ද, මහින්ද මහතාට 26.75%ක්ද, තංගල්ලේදි විපක්ෂයට 77.%ක්ද,  මහින්ද මහතාට 23%ක්ද, තිස්සමහාරාමයේදී විපක්ෂයට 66.3%ක්ද, මහින්ද මහතාට 34%ක්ද වැඩිවූ චන්දවලින් ලැබිණි.

1999 සිට පැවති සියළුම මැතිවරණවලින් වැඩිම ප්‍රතිශතයක් චන්දය ප්‍රකාශකල මැතිවරණයද මෙයයි. හම්බන්තොට දිස්ත්‍රික්කයේදී එම ප්‍රතිශතය 84% ඉක්මවා ඇත.

මේවා සුළුජාතික චන්ද නොවනබව ඉහත දැක්වූ දත්ත ඒබව මානාව පැහැදිය. මෙවැඩිවීම සිදුවූයේ ජාතික රූපවාහිනිය මගින් හම්බන්තොට දිස්ත්‍රික්ක ඒ.ජා.ප. මන්ත්‍රී සජිත් ප්‍රේමදාස මහතා ආංඩුවට එක්වූ බවට ප්‍රකාශකරන ලද පසුබිමකය.

 

2010 % 2015 % වැඩිවීම
ප්‍රතිවාදියා 105,336 31.20 138,708 35.93 33,372
MR 226,887 67.21 243,295 63.02 16,408
වැඩි චන්ද 121,551   104,587    
මුළු චන්ද 339,782   389,427   49,645
ලියාපදිංචි 421,186   462,911   41,725

 

එසේනම් මෙය හුදෙක් සුළුජාතීන්ගේ ක්‍රියාවක්යැයි කියා ජාතිවාදය අවුස්සා නැවත රට අස්ථාවර කිරීමට උත්සාහකරන සුළුතරයකගේ ක්‍රියාවන්ට නො‍රැවටී තමා ඉදිරියේ ඇති දත්ත බලා තීරණයකට එලැඹෙන ලෙස ඔබ සැමගෙන් කාරුණිකව ඉල්ලමි.

ඉදිරියේදි අනිකුත් දිස්ත්‍රික්ක ගැනද සටහන් ලියන්නට අදහස් කරමි.

එක් ප්‍රතිචාරයක්

Filed under දේශපාලනික, මහින්ද රාජපක්ශ, ශ්‍රී ලංකාව, සමාජීය, සිංහල

කිරි සහ කැකිරි

පානීය ජලය ඉල්ලා උද්ඝෝෂණකල ජනතාවට වෙඩිතබා මරාදැමීම ඡන්දයක් ළඟ එනවිට නොකළයුතු දෙයකි. එනිසාවෙන් ඇතිවූ ජනතා කම්පනය අමතකකිරීමට ඔවුන්ව ඊළඟ මාතෘකාවට යොමුකළ යුතුව ඇත. නිකම් මාතෘකාවකින් එය කළනොහැක. බඩට සහ හිතට එකවර පහරදියයුතුය. මුස්ලිම් ව්‍යාපරිකයින් මෙරටට ගෙන්වන කිරිවල වසවිස තිබීම එවැන්නකි.

මෙම කථාවේ විශාල අඩුලුහුඬුකම් ඇත. එමනිසාවෙන් මෙය තේරුම්ගැනීමට මට නොහැක. පහත සඳහන් කරුණු කිසිම පිළිවෙළක් නැතිව මා සිතට නැගුණුදෑය.

මාගේ මුහුණුපොතේ පහත ස්ටේටස් අප්ඩේට් දැමූවෙමි.:

Status 1:
නවසීලන්තයේ හරක් තණකොළ කනවිට ඒවායේ ඇති විෂ රසායන උන්ගේ ශරීරය හරහා උන්ගේ කිරිවලටද ඉන් අනතුරුව කිරිපිටිවලට යන මුත්, කිසිම පාලනයක් නොමැතිව කෘෂිරසායන පාවිච්චිකරන ලංකාවේ හරකුන්ගේ ශරීරය හරහා ලංකාවේ නිපදවන කිරිර්පිටිවලට විසරසායන ඇතුළු නොවන හේතුව කුමක්ද? (පිළිතුර ඊළඟ ස්ටේටස් අප්ඩේඑකෙන් බලාපොරොත්තුවන්න)
Status 2:
කාර්මික තාක්ෂණ ආයතනය (අයි.ටී.අයි.) තාක්ෂණ සහ පර්යේෂණ අමාත්‍යාංශය යටතේ ක්‍රියාත්මකවන ආයතනයකි. අලුත් තාක්ෂණ සහ පර්යේෂණ ඇමතිතුමා ජාතික හෙල උරුමයේ නායකතුමාය. එතුමාගේ පක්ෂයේ ලොකු කකුලක් කාර්මික තාක්ෂණ ආයතයේ නව සභාපතිතුමලෙස පත්වී සති දෙකකි. කාර්මික තාක්ෂණික ආයතනයට අනුව කිරිවල ඩී.සී.ඩී. ප්‍රමාණය තීරණය කිරීමට හයි පර්ෆොර්මන්ස් ළිකුයිඩ් ක්‍රොමැටොග්‍රැ‍ෆි (එච්.පී.එල්.සී) පාවිච්චිකර ඇත. එච්.පී.එල්.සී. සංඝටක වෙන්කර ගැනීමට පාවිච්චිකරන උපකරණයකි. එහි සංඝටක අඳුනාගැනීමේ හැකියාව පාවිච්චිකරන ලද ඩිටෙක්ටරය මත රඳා පවතී. එච්.පී.එල්.සී. භාවිතයෙන් සංඝටක පැහැදිලිව වෙන්කරගැනීම මතද ඩී.සී.ඩී. ප්‍රමාණයේ නිරවද්‍යතාවය රඳාපවතී. හාල්වල ආසනික් නැතිබව කීවේද කාර්මික තාක්ෂණ ආයතනයයි. හෙල උරුමයට අනුව හාල්වල ආසනික් ඇත. එසේනම් පිදුරුකන අපේ වැස්සියන්ගේ කිරිවල ආසනික් ඇතැයිකියා කාර්මික තාක්ෂණ ආයතනය දැන් කියයිද?
——
අඹෙවෙල කිරි සමාගමේ වෙබ් අඩවියට අනුව ඔවුන් කිරි ලීටර් මිලියන 2ක් දක්වා කිරිපිටිකිරීමට ඉලක්කයක් ඇත. නවසීලන්ත කිරි එලෙදෙනෙකු දිනකට කිරි ලීටර් 17ක් පමණ නිෂ්පාදනය කරයි. ඒ සඳහා තන්කොළ කිලෝ ග්‍රැම් 17ක් සහ වතුර ලීටර 50ක් පමණ පරිභෝජනය කරනුලැබේ. ලංකාවේ කිරි එළදෙනුන් සඳහ එම ඉලක්කම් මම නොදනිමි. තණකොළ වැවීමට මාස 3ක් අවශ්‍යය. මේ සියලු දත්ත සලකා බැලුකල ලංකාවට අවශ්‍ය කිරි ප්‍රමාණය නිපදවීමට එළදෙනුන් සහ තෘනභූමි අපට ඇතැයිද මම නොදනිමි.

නවසීලන්ත හරකුන්ගේ සහ ලාංකීය හරකුන්ගේ ජෛව රසායනය මහා විශාලවෙනස්කමක් නොමැත. ලංකාවේ ඩී.සී.ඩී. නොයොදනා බැවින් එය අපේ කිරිවල නැත. එනිසාවෙන් අපේ කිරිවල කිසිම අපද්‍රව්‍යක් නොමැතිලෙස හැසිරීම විද්‍යාත්මක හැසිරීමක් නොව දේශපාලනික හැසිරීමකි. කවදාත් සුපුරුදු දේශපාලඟයින්ට කිරි ජනතාවට කැකිරි මෙතනදීද ලැබීඇති බව පැහැදිලිය

එක් ප්‍රතිචාරයක්

Filed under දේශපාලනික, රසායනික, විද්‍යා, ශ්‍රි ලංකා රාජ්‍ය සේවය, සමාජීය, සිංහල, සෞඛ්‍ය

Law of the Jungle..

The Law of the Jungle (From The Jungle Book) by Rudyard Kipling

Now this is the Law of the Jungle —
as old and as true as the sky;
And the Wolf that shall keep it may prosper,
but the Wolf that shall break it must die.

As the creeper that girdles the tree-trunk
the Law runneth forward and back —
For the strength of the Pack is the Wolf,
and the strength of the Wolf is the Pack.

Wash daily from nose-tip
to tail-tip;drink deeply, but never too deep;
And remember the night is for hunting,
and forget not the day is for sleep.

The Jackal may follow the Tiger,
but, Cub, when thy whiskers are grown,
Remember the Wolf is a Hunter —
go forth and get food of thine own.

Keep peace withe Lords of the Jungle —
the Tiger, the Panther, and Bear.
And trouble not Hathi the Silent,
and mock not the Boar in his lair.

When Pack meets with Pack in the Jungle,
and neither will go from the trail,
Lie down till the leaders have spoken —
it may be fair words shall prevail.

When ye fight with a Wolf of the Pack,
ye must fight him alone and afar,
Lest others take part in the quarrel,
and the Pack be diminished by war.

The Lair of the Wolf is his refuge,
and where he has made him his home,
Not even the Head Wolf may enter,
not even the Council may come.

The Lair of the Wolf is his refuge,
but where he has digged it too plain,
The Council shall send him a message,
and so he shall change it again.

If ye kill before midnight, be silent,
and wake not the woods with your bay,
Lest ye frighten the deer from the crop,
and your brothers go empty away.

Ye may kill for yourselves, and your mates,
and your cubs as they need, and ye can;
But kill not for pleasure of killing,
and seven times never kill Man!

If ye plunder his Kill from a weaker,
devour not all in thy pride;
Pack-Right is the right of the meanest;
so leave him the head and the hide.

The Kill of the Pack is the meat of the Pack.
Ye must eat where it lies;
And no one may carry away of that meat to his lair,
or he dies.

The Kill of the Wolf is the meat of the Wolf.
He may do what he will;
But, till he has given permission,
the Pack may not eat of that Kill.

Cub-Right is the right of the Yearling.
From all of his Pack he may claim
Full-gorge when the killer has eaten;
and none may refuse him the same.

Lair-Right is the right of the Mother.
From all of her year she may claim
One haunch of each kill for her litter,
and none may deny her the same.

Cave-Right is the right of the Father —
to hunt by himself for his own:
He is freed of all calls to the Pack;
he is judged by the Council alone.

Because of his age and his cunning,
because of his gripe and his paw,
In all that the Law leaveth open,
the word of your Head Wolf is Law.

Now these are the Laws of the Jungle,
and many and mighty are they;
But the head and the hoof of the Law
and the haunch and the hump is — Obey!

http://www.facebook.com/notes/muditha-d-senarath-yapa/the-law-of-the-jungle-from-the-jungle-book-by-rudyard-kipling/10152413483410453

ප්‍රතිචාරයක් ලබාදෙන්න

Filed under දේශපාලනික, සමාජීය, Politics, Society

සුද්දන්ට ජංගි මැසීම වැරදිද?

සුද්දන්ට ජංගි මැසීම වැරදියැයි මිනිසුන් කියති. මට එහි ඇති වැ‍රැද්ධ වටහාගත නොහැකි
බැවින් මෙසේ අසන්නට සිතිණි.

සමාජවාදි රටකනිෂ්පාදනයකළ දෙයක් උවත් තව කෙනෙකුට විකිණීමෙන් මිස ආදායමක් 
උපයාගත නොහැකිය. එසේනම් නිෂ්පාදන මිලයට ගැනීමටපාරිභෝගිකයන් සිටිය යුතුය.

දිනෙන්දින කුඩාවන ලෝකයක පාරිභෝගිකයන් කොතැනින් පැමිණියද කම් නැත.
අපි මසන ජංගි මිලදීගැනීමට මුදල් ඇත්තේ සුද්දන්ට පමණක්නම් ඒ ජංගි මසන්නන් ගැන 
අපි ආඩම්බර වියයුතුය.
අඩු මිලැති ජංගි මසනවානම් අපිටත් අදින්නටපුළුවන්වේවි.
නමුත් සුද්දන් අපේ ජංගි මිලයට ගන්නේනම්, ඒයින් අපේ රටට වැඩි ආදයමක් ලැබෙන්නේනම්, 
ජංගි මසන්නන් පමණක්නොව, මෝස්තර නිමාණකයින්, අලුත් තාක්ෂණයන් ඇතුළු කරන්නන්, 
ආයෝජකයන් ඇතුළු සියලුදෙනා ඒ ගැන සතු‍ටු විය යුතුය.

යල් පැන ගිය ආකල්ප/මත්වාද ඔළුතුළ පුරවාගත් 
මිනිසුන්, නවීන ලෝකයේ තාක්ෂණ දියුණුව ගැනද 
නොදැනකරන ප්‍රකාශ හිත්ටදැනෙනවාවුවද නැනැසෙන් සිතා, 
ගූගලයේන්වත් සොයාබලා තේරුම්ගතයුතු කාලය පැමිණ ඇතැයි මට සිතේ.

මේ ලින්ක්ස් ක්ලික්කරලා බලන්න.

http://money.cnn.com/2011/12/28/smallbusiness/panties/index.htm

http://news.cnet.com/8301-17852_3-10301463-71.html

එක් ප්‍රතිචාරයක්

Filed under ආර්ථිකය, ඇඟලුම් කර්මාන්තය, දේශපාලනික, සමාජීය, සිංහල

වන් ලයිනර්ස් – දෙසැම්බර් 1, 2010

කාලවේලාව මද බැවින් පසුගිය දිනවල කියවූ බොහෝදෑ ගැන ලිවීමට නොහැකිවිය. එබැවින් මා කියැවු ලිපිවල සබැඳියාවන් ඔබට කියැවීමට මෙහි සඳහන් කරමි.

1. අපල නැති කිරීමට ලංකාවේ දලඇතුන් මරා දැමූවද ඉන්දියානු දන්ත වෛද්‍යවරුන් ඇතෙකුගේ දලයක තිබූ අසීරුතාවයක් නැතිකිරීමට දන්ත මූල පිරවීමක් කර ඇත. අපි ඉන්දියාවට වඩා ශිෂ්ට රටක්යැයි මා අසා ඇත.

2. ගැසට් නිවේදනයට අනුව සමහර අමාත්‍යාංශවලට කිසිම කාර්‍යභාරයක් නොමැත. මිනිසුන් සතු‍ටුකිරීමට අපේ මුදල් සෑහෙන ප්‍රමාණයක් නහස්තිවී යන හැඩක් පෙනේ. ඇමති මංඩලය විශාලවීමගැන මා එතරම් තැකීමක් නොකළද වැඩක් නොකිරීමට මුදල් නහස්තිකිරීම නිසා පඩිවැඩිවීමක් ලැබියයුතු මිනිසුන්ට එය ලබාදිය නොහැකිවීම කනගා‍ටුදායකය.

3. එක්සත් ජාතික පක්ෂය ඔවුන්ට වඩා හොඳින් ධනවාදී අයවැයක් සමාජවාදින් සහිත පෙරමුණු ආංඩුවකින් ඉදිරිපත් කිරීමගැන දුකට කියනකතා මේදිනවල ප්‍රවෘත්ති සාකච්ඡාවලින් ඇසේ. තිස්ස අත්තනායක මහතා මේ කියන ප්‍රතිශත ගණන්කිරීම් ඉගෙණගන්නට ඇත්තේ කාගෙන්ද?

4. විකි ලීක්ස් හී ජුලියන් අශාන්ජ් ඇමෙරිකාවගැන හෙළිකරනවිට ලංකාවේ දේශප්‍රේමීන් ඔහුව වීරයෙකු ලෙස සලකති. ඉදිරිදිනවලදී ලංකාවට සම්බන්ධ ලියකියවිලි 3600 හෙළිකළ පසුත් ඔහුට එසේ සලකාවිද?

5. ජනාධිපතිතුමාගෙන් අහලාතමයි සුසන්තිකා ආයෙත් දුවන්න හදන්නේ. මංජු එක්ක කතාකළානම් ආයෙත් මෙඩල් එකක් ගහන්නත් පුළුවන්වෙයි කියලා හිතෙනවා. කොහොමවුණත් නොදැනුවත්ව හරි තහනම් උත්තේජක පාවිච්චිකළානම් වරද පිලි අරගෙන පදක්කම සුදුස්සාට බාරදෙන්න කාලය හරි මංජු.

6. විශ්ව විද්‍යාල සිසුන් දේපල හානිකිරීමවැනි අමනකම් කිරීමට මා විරුද්ධවුවද හූවක් කියන්නවත් තරම් නිදහසක් නැතිනම් විශ්ව විද්‍යාල අධ්‍යාපනය නවතාදමා ටියුෂන් කඩටිකක් දාන එක සුදුසුයි. ඒදවස්වල ‍රැජිනට සරම උස්සා පස්ස පෙන්වූනිසා විජේවර්ධන ශාලාවේ සිටි පිරිමි සිසුන් සහ හිල්ඩාවේ සිටි ගැහැණු සිසුන් මාරු කරලා තිබුණා බොහෝ කාලයක් යනතුරු. ඒවාගේ දෙයක් කලොතින් එල්ලා මරන්න තමයි දැන්නම් වෙන්නේ.

7. පරිසරයගැන කතාකළේ හෙල උරුමයේ චම්පික ඇමතිතුමා. විදුලි ඒකකයක් අඩුවට හදන්නකියලා පරිසරය විශාලලෙස කෙලෙසන ගල අඟුරු බලාගාරය ආරම්භකළේත් එතුමාමයි. ඒවුනාට ජනවාරියේ සිට විදුලි බිල වැඩිවෙනවාලු. රට පුරාම න්‍යෂ්ටික බලාගාර ආරම්භකළ ඉන්දියාව එකපාරටම අපිට ගල් අඟුරු බලාගාර නයට හදලා දෙන්නේ ඇයි කියලා කාටද කියන්න පුළුවන්?

එක් ප්‍රතිචාරයක්

Filed under දේශපාලනික, සමාජීය, සිංහල